دلة هو مشروع يديد من سواعد أخواني في مدونة ” بطينية “، توهم باديين ماشاء الله ، وقلت بما ان رمضان والشغلات اللي منزلينها شكلها يونس جان اطلب منهم اليوم . طلبت منهم الساعة 12 ووصلي تقريبا الساعة 3 ونص

الكيس ما شاء الله تصميمه حلو ومرتب

طلبت منهم كيك الفستق والهيل ، كانت بـ 7 دنانير ، الكيك ماشاء الله مقطعة قطع حجمها حلو للتقديم حق الحريم ومناسبة للكبار والصغار ، لا اهي الكبيرة ولا اهي الصغيرة

وفوقها ما شاء الله سكر مطحووون ،، متعة لحاله ، شي عجيييب

وطلبت منها محلبية قلت خل اجرب مالتهم ، اتوقع مالتهم بماي الورد اذا مو غلطان ( الوالدة تسوي بماي الزهر ، شي عجيب ) ، محلبيتهم حلوه ونااااطعه

ما شاء الله حاطينها بمطبقية عجيبة ” استعملوها بعدين اذا تبون ” تونس والله .. الوالدة حطت عينها عليها .. ومغلفة بال”ليبل” مالهم . شي مرتب

وهذي المحلبية .. المنظر اغراااااااء مو طبيعي .. والطعم ولا احلى ما شاء الله عليهم

والحين مع سبة الطلب بكبره … وما اقول الا “ويح قلبي ” على قولة اخيتي دندرمة

الإلبة مالت دلة … خيال

خنييييييييييييييييينة .. والريحة قاااااتلة بمعنى الكلمة .. اول ما تبطلونه الريحة تصك بالخشم … شي على مستوى ما شاء الله

والطعم ما شاء الله .. مشكلة الإلبة في الدنيا كلها انه كلها بيض ، فاذا ما انضبطت بتصك زفرة … بس ما شاء الله عليهم ضابطينها عدل

انا صراحة انقضيت عليها وتفردت فيها

دلة ما شاء الله عليهم شغلهم حلو ومرتب ويستاهلون الواحد يجرب منهم

وهذي من الشغلات اللي حابيتها في شغلهم .. نفس طريقة الكافيهات . كرت على كل طلب وبعد 5 تقدر تاخذ تعبئة قهوة او تاخذ الدلة من عندهم .. وهالشي ان شاء الله راح يبدي بعد ما ينتهون من مشكلة العمالة عندهم باذن الله قريبا .. الله يوفقكم

اذا حابين تتواصلون معاهم .. هذا الكرت مالهم

الله يوفقكم ان شاء الله