تجربة التوصيل من Home berry

Published January 14, 2012 |

امس (هفت علي نفسي) ابي (روب مثلج) ، فا قلت خل أشوف موقع طلبات…. لقيت في اثنين
Home berry & mixberries
مكس عندهم تنوع اكثر بس الحد الأدنى للطلب كان ١٠ دنانير وانا شخص واحد . اما الثاني فكان خمس دنانير بس . اللي كان موجود عندهم نكهة الرمان ..،، بيني وبينكم ما احب نكهة الرمان لان يبين فيها الطعم الاصلي وايد وتقتنع انك قاعد تأكل (روب) المهم …. قلت امري لله . خل اطلب . ما طولوا والله بس يمكن كانت عندهم مشكلة بالعنوان …. وصلوا وهذي سيارتهم

أنا قلت الحين بيعطيني الكيس واحاسبه وخلاص . اشوفه راح ورا وشغل مكينة @@ ليش شصاير!!! ولا داخل السيارة المكينة والإضافات وشغل عدل مدل …

حركاااااات …. المهم سوالي اللي طلبته وانطلقت به الى داخل المنزل حاضن الكيس . لان الكل قالي هذا روووووووووووووب يقصون عليك وانا ادري لي دش الكيس فجأة راح يحلى بعينهم… لذلك بطلته وكليته على طول … شوفوا