صباح الخير

Darrell Lea – طرا على بالي اليوم اني اكتب عن أحلى كاكاو جربته باستراليا ، محل اسمه

Lea – المحل هذا سوته عائلة

بطل في استراليا من سنة 1927 كمصنع صغير في سيدني . “داريل” اهو الابن الاصغر للعائلة

دخولي للمحل كان من باب الفضول ( صارلي سنتين اشوفه ولا ادشه ) ولكن لما دشيته . الموظفين تعاملهم ممتاز . والمكان مرتب و”كشخه” وفوق هذا كله التصميم روعه . ان شاء الله بروحله على يوم واكتب بوست كامل عن المحل ، وانا قاعد احوس ، الا الموظفة يابتلي عينة اجرب

الصورة من جوجل

قلت لها شنو هذا ( لازم نسأل ) قالتلي هذا اجدد منتج عندنا عبارة عن كاكاو وفيه ( مارشميلو – خدود بنات ) معاه فول سوداني وشويه جوز هند . قلت اوك خل اجرب قطعة صغيرة . انا جربت مني جان اروح اشتري فوق 10 حبات ( 4 كبار و6 صغار ) الكاكاو ببساطة

عجيييييييييييييييييييييييب

من كثر ما اهو حلو ودكم كل دقيقة تاكلون منه . خلصت ال10 بــ يوم لووووول

ومو بس جذي ، اكو منه انواع ( كاكاو ابيض ، كاكاو اسود ، ملك شوكلت ، كاراميل ) يعني دلع نفسك

دشيت الموقع مالهم لقيت ان لهم افرع في نيوزيلندا ، امريكا ، كندا ، بريطانيا ، جنوب افريقيا

صج صج لازم تجربونه …. من الحين اللي يبي يقولي علشان اخمط له معاي لما ارد الكويت