السلام عليكم

اول شي ببدي بقول ان انا و قديم توني يديد صارلي سنتين بس ولكن

في الآونة الاخيرة كثرت سالفة ” نسخ ” تدوينات من مدونات صديقة ، اصحابها تعبوا على ما طلعت معاهم الكلمات ، تعبوا على ما خذوا أحلى صورة علشان تطلع لكم ، تعبوا بتنسيق التدوينة ، تعبوا بجمع المعلومات . هالمعلومات لفايدتكم

شنو الفايدة من عملية النسخ ؟

سؤال طرحت على نفسي . بس ما لقيت له جواب .. انزين تبي شهرة … المدونين اللي تنسخ منهم ما شاء الله عليهم ما يختلف عليهم اثنين . يعني ما شاء الله حتى بالنسخ فاشل

تبي تنسخ ؟ اوكي حلالك انسخ عليك بالف عافية بس بس بس حط الموضوع الأصلي مع ذكر المصدر  .. بالإضافة إلى ذكر رايك الشخصي

مثلا : المدونة الفلانية ذكرت منتج معين

حط الموضوع + المصدر + رايك الشخصي بالمنتج

اهني ممكن نمشيها لان التدوين فكرته ان تعطي الناس رايك الشخصي  ، بس اذا خذيت آراء غيرك …. شنو هدف التدوين ؟ ليش مسوي مدونة اساسا

كلمة أخيرة

اذا ما كانت عندكم طاقة وافكار علشان تبدون التدوين …. لا تبدون لانه راح يكون مشوار صعب

مصدر الصورة