طعم غريب ؟ صح

ليتس بوبكورن منزلين نكهة يديدة من فناتقهم اللي ما شاء الله ما تخلص .. بس هالمره فيها شي غريب … طبعا الكل يعرف ان الشعب الكويتي ما شاء الله له علاقة مو طبيعية مع الرهش وما ي الورد .. روحوا يا ليتس بوبكورن بالتعاون مع المدون العزيز عمر العثمان .. واقعدوا جربوا ليما طلع وياهم

Let’s Omarker

وهو نفيش بنكهة الرهش وماي الورد

مصدر الصورة : خذيتها من مدونة عمر العثمان لان لويه بــسيدني ، مو قادر اصورها

قبل يومين كلمت  ” ليتس بوبكورن ” على موعد صدور النفيش وقالولي انه بينزل بمعرض بصمتنا كويتية واللي بدا امس .. فيحليلهم زهبولي نقصة علشان اخذها معاي سيدني .. ما خلوها بخاطري

الطعم عجيب ، صج ما شاء الله ضابطينه ، وعلى فكره انا مو حيل مع الرهش بس تعرفون احساس كل شوي تاخذون قطعة وتقولون كافي وبعد ثواني تاخذون قطعة ثانية … هذا اهو ، يعني ممتاز حق تحلية بعد الفطور . الطعم حيل عاجبني

  رحت لهم محلهم بــميدان حولي ، وعلى لوية تجهيز المعرض بس ما شاء الله عارفين شغلهم ، دشيت المحل و ما شاء الله كانت اول مره ، مرتب وشغل عدل ومن أحلى ما يكون

النكهات عندهم وايد ومتنوعة يعني لازم يعجبك شي ، والحلو ان عندهم شغلات بعيدة عن المتعارف عليه

ألوان النفيش عندهم مغرية بشكل مو طبيعي ما شاء الله

وهذي حافظاتهم .. مرتب حتى لو حق هديه او زواره .. حيل حلوه ، تقدرون تحطون فيها النكهة اللي تبونها

ما شاء الله نكهاتهم متنوعه ومختلفة ، وعندهم قسم خاص بالمناسبات والحفلات

Let’s Popcorn

Twitter : Letspopcorn

Whatsapp :96677677

ترا عندهم خدمة التوصيل

مشكورين ليتس بوبكورن – ترا قاعد اتسحر منه الحين

ملاحظة : اعتذر عن ان الصور مو بالمستوى المطلوب ، بس مصورها بالأيفون لان طيارتي كانت بعد 4 ساعات من رحت المحل ، وما شاء الله المحل برتقالي ببرتقالي