السلام عليكم

شركة يديدة في مجال التصميم والدعاية Circus BC

وماشاء الله عليهم تصاميم مو طبيعية. سوو جنجفة يديدة .. الحلو بهالجنجفة انها بعيدة عن النمط التقليدي للاوراق والتصميم . والأحلى ان الأوراق مكتوبة بالعربي . شي يديد وعجيب …بالفترة الأخيرة صرت حييييل بالكوت .. يعني العبها وايد بشكل مو طبيعي . مع ان على فكرة قبل ما كنت اطيق الجنجفة كلش ما ادري ليش .. فا لما شفت هالجنجفة طرت فيها .. طلبتها وانا بسيدني (تخيلوا) وتوني استلمها

اخليكم مع الصور

هذا الغلاف الخارجي للجنجفة .. ما شاء الله التصميم أكثر من رائع

داخل كعادة أي جنجفة يكون فيها ثنتين لان في العاب تتطلب وجود ثنتين

هني المتعة الكاملة .. الجيكر تصميمه غير .. مكتوبين بالعربي .. اللون بعدوا من الأحمر إلى البنفسجي .. الرسم كله يدوي يعني شي متعوب عليه

هذا الظرف تكون فيه الفاتورة من FortuneCookieQ8

ما شاء الله الشغل مو طبيعي .. والسعر حيل حلو .. الجنجفة بــ 5 دنانير

الله يعطيهم العافية .. للطلب من موقع LoveFortuneCookie  مباشرة

Website

Twitter : @FortuneCookieQ8